Leiðin liggur um Laugardalinn og Grasagarðinn ekki bara vegna hreyfingu heldur líka til að njóta. 

Á dögum sem þessum (28 júlí 2012) skartar Laugardalurinn sínu fegursta og til fróðleiks þá má geta að   

Sigurður Guðmundsson, listmálari  kom fram með þá hugmynd, að gera Laugardalinn að íþrótta- og  útivistarsvæði fyrir höfuðborgarbúa. Hann áleit dalinn mjög vel fallinn til skógræktar og ræktunar skrautblóma og sá fyrir sér fólk í skemmtigöngum og hvíldarstaði í fallegum rjóðrum. Hann var kjörinn í byggingarnefnd borgarinnar árið 1869. Hugmyndir hans lágu í þagnargildi til ársins 1943, þegar borgarráð samþykkti að hrinda þeim í framkvæmd. Mýrin í dalnum var ræst fram árið 1946. Eiríkur Hjartarson, rafvirki, hafði byggt sér einbýlishús í dalnum árið 1929 og nefnt það Laugardalur, sem varð síðan nafnið á dalnum. Hann var ákafur skógræktarmaður og gróðursetti fjölda trjáa vestan núverandi legu grasagarðsins. Þar eru mörg hæstu trjáa borgarinnar nú. Borgin keypti lundinn árið 1955 og miklu hefur verið aukið við hann síðan.

  

Móðir Jörð eftir Ásmund Sveinsson .

Bláklukka

Bláklukka Hvít.

Vallhumall

Blákolla/ Prunella Vulgaris / Lamiaceae / Varablómaætt .

 Nálapúði  /Azorella trifurcata / Apiaceae / Sveipjurtaætt. 

Eyrarós / Chamerion latifolium ..

                        

Leiðin liggur um Öskjuhlíð sem er hlekkur í keðju opinna svæða, sem tengjast allt frá Tjörninni um Öskjuhlíð, Fossvogsdal, Elliðaárdal og upp í Heiðmörk.  Þar er að finna fjölbreytta jarðsögu seinni hluta ísaldar. Öskjuhlíð var eyja við hærri sjávarstöðu fyrir u.þ.b. tíuþúsund árum.  Þess sjást merki í 43 m hæð yfir sjó í hlíðum Öskjuhlíðar, þveginn jökulruðningur og lábarðir hnullungar.  Berggrunnur Öskjuhlíðar er hið svokallaða Reykjavíkurgrágrýti, allt að 70 m þykkt, sem varð til í eldgosum á Mosfellsheiði síðla á ísöld. Jöklar gengu yfir það og merki þeirra eru víða skýr, s.s. undir Fossvogslögunum.

 Efst á Öskjuhlíð, þar sem Perlan er, var þjóðhátíðarsvæðið, sem notað var, þegar Íslendingar fögnuðu 1000 ára afmæli Íslandsbyggðar árið 1874.  Fleiri gamlar rústir er að finna í hlíðinni, en ekki hefur verið hægt að bera kennsl á þær allar.  Hafnargerðin á árunum 1913-18 krafðist mikils efnis og merkin um grjótnámið í Öskjuhlíð sjást glöggt.  Þaðan voru lögð spor vestur yfir Melana að Örfiriseyjargranda og um Norðurmýri að Battarísgarðinum.  Hliðarspor lá frá Skólavörðuholti, þar sem var malarnám.  Á árum síðari heimsstyrjaldarinnar var grjótnáminu haldið áfram fyrir bandamenn til ýmissa mannvirkja.  Önnur eimreiðanna, sem voru notaðar við hafnargerðina er í eigu og umsjá Reykjavíkurhafnar en hin stendur innandyra í Árbæjarsafni.